Kreu i grupit parlamentar të Partisë Socialiste, Taulant Balla u betua ditën e sotme te Presidenti i Republikës, Bajram Begaj, si Ministër i Brendshëm. Ceremonia e betimit nisi në orën 11:00 në Institucionin e Presidentit të Republikës, e pjesë e saj ishin dhe kolegët e tij, si Ermonela Felaj dhe Lindita Nikolla.
Kuvendi miratoi në seancën e së enjtes dekretin e Presidentit të Republikës, për emërimin e Taulant Ballës në postin e ministrit të Brendshëm, me 75 vota pro, 16 kundër, 1 abstenim.
Në krye të këtij posti ishte Bledi Çuçi, i cili u shkarkua pak ditë më parë nga kryeministri Edi Rama. Ky i fundit vendosi të shkarkojë nga detyra Çuçin pas ngjarjes në Borizanë të Fushë-Krujës, ku anëtarë të fisit Rraja dhunuan me sende të forta dy kushërinjtë Maja dhe shkak për këtë u bë sherri për guroren.
Pas kësaj ngjarje, kryeministri ka propozuar emrin e Taulant Ballës për të marrë drejtimin e Ministrisë së Brendshme.
