Një 27-vjeçar është arrestuar nga Policia e Korçës, pasi akuzohet se drejtonte mjetin në gjendje të dehur.
Mësohet se në pranga ka përfunduar shtetasi me iniciale S. B., i cili ka kundërshtuar efektivët e Policisë.
“Specialistët e Trafikut Urban dhe Interurban në DVP Korçë, arrestuan në flagrancë shtetasin S. B., 27 vjeç, banues në fshatin Kuçi i Zi, Korçë, pasi në rrugën “28 Nëntori”, Korçë, është konstatuar nga shërbimet e Policisë duke drejtuar automjetin, në gjendje të dehur.
Gjithashtu 27-vjeçari, nuk i është bindur urdhrit të punonjësve të policisë gjatë kryerjes së veprimeve procedurale.”, thuhet në njoftimin e policisë.
