Një varrezë, që mendohet të jetë e periudhës prehistorike, u zbulua gjatë punimeve për ndërtimin e gazsjellësit TAP në fshatin Turan të Korçës.
Në rrugën që kalon në zonën lindore të fshatit kanë dalë në sipërfaqe 6 skelete njerëzore që sipas arkeologëve datojnë 2600 vjet para erës sonë.
Skeletet janë gjetur në thellësi të vogël nga toka, ndërsa konturet e varreve rezultuan të dëmtuara nga punimet e fermerëve të zonës.
Arkelogët thonë se në këtë zonë mund të ketë edhe mbetje të tjera arkeologjike, si enë, vegla pune dhe zbukurime.
Pas zbulimit të varrezës, kompania ndërpreu punimet në pritje të grupit të arkeologëve të Këshillit Kombëtar të Arkeologjisë, i cili do të studiojë dhe më pas klasifikojë materialin e gjetur.
