Talenti i ri holandez Frenkie De Jong, nuk do ti bashkohet Barcelonës në merkaton e verës dhe këtë e ka konfirmuar vetë ai. Sipas mediave spanjolle, edhe pse lojtari kishte marrëveshje me klubin, në mes ka ndërhyrë Manchester City që e ka rritur ofertën.
Vetë lojtari ka thënë se nuk do të shkojë te Barcelona dhe të bëjë turizëm në atë qytet. “Nuk jam duke u nxituar, edhe pse dua ta marr një vendim për të ardhmen time, sa më shpejt të jetë e mundur. Nuk e di nëse do ta bëj publik tani klubin e ri, duhet të presim.
Unë kam qenë në Barcelonë dhe njerëzit besonin se kjo kishte lidhej me nënshkrimin tim për atë klub, por nuk ishte ashtu. Barcelona është një klub i madh, por nuk e di nëse e shoh karrierën time si një turne turistik në atë qytet” deklaroi ai.
De Jong kishte zgjedhur projektin sportiv të Barçës fillimisht, përpara atij të Manchester City dhe PSG. Paga që agjenti i tij kishte kërkuar për kontratën pesëvjeçare ishte pranuar nga katalanasit. Por tashmë flitet se ka qenë Manchester City dhe Pep Guardiola ai që ia ka vjedhur zemrën.
