Presidenti francez, Emmanuel Macron, ka reaguar pas takimit të tensionuar mes presidentit amerikan Donald Trump dhe presidentit ukrainas Volodymyr Zelensky në Shtëpinë e Bardhë, duke theksuar se “ka vetëm një agresor dhe është Rusia”, ndërsa e konsideron popullin ukrainas si ata që janë sulmuar.
Ai ka bërë thirrje që të “respektohen ata që kanë luftuar që nga fillimi” dhe theksoi angazhimin e Francës dhe partnerëve të tjerë perëndimorë për të ndihmuar Ukrainën.
Macron shtoi se ata ishin në një qëndrim të drejtë që nga fillimi i luftës dhe do të vazhdojnë të mbështesin sanksionet ndaj Rusisë.
