Ardian Takaj, presidenti i Skënderbeut ka folur pak orë para fillimit të ndeshjes, gjë që nuk e ka bërë më parë. Por këtë herë e cilëson si gjë që mund ti sjellë fat ekipit të tij, mbase një fitore. Takaj flet edhe për organizimin e ndeshjes që po bën Partizani i Beogradit, e cila është mjaft e mirë. Ata po mundohen të na kthejnë respektin që u bëmë ne në Shqipëri dhe janë duke bërë mjaft mirë.
“Është një situatë mjaft e qetë dhe drejtuesit e Partizanit janë duke u marrë me çdo detaj për të na garantuar ne sigurinë dhe qetësinë. Ne jemi shumë të qetë dhe do të kërkojmë fitoren, pasi do të na jepte një shans mjaft të madh për të tentuar të kalojmë grupin. Këtë gjë e kërkon edhe ekipi i Partizanit dhe kjo bën që të jetë një ndeshje mjaft e luftuar. Kam folur me trajnerin Daja dhe më ka thënë që janë mjaft të qetë, po ashtu e kanë përgatitur ndeshjen me qetësinë maksimale. Në stadium shpresoj të shkojë gjithçka si duhet, pasi trazirat do të sjellin penalitete. Ne u gjobitëm për ndeshjen në “Elbasan Arena” edhe pse gjithçka shkoi mjaft mirë. Unë personalisht nuk kam dhënë ndonjëherë prononcim për mediat në ditën e ndeshjes, por sot theva këtë tabu dhe shpresoj tënasjellë fat”, u shpreh presidenti Takaj.
