Menjëherë pas përfundimit të procesit zgjedhor dhe rizgjedhjes si president të Federatës Shqiptare së Futbollit, Armand Dukës, në deklaratë për mediat doli edhe zv.presidenti i UEFA-s. Surkis u shpreh i kënaqur me transparencën e lartë që pa në këto zgjedhje dhe se institucioni që ai përfaqësonte i njihte këto zgjedhje dhe bëri thirrje për më shumë punë drejt përmirësimit të nivelit të futbollit.
“Më vjen mirë që pavarësisht vështirësive që kemi hasur gjatë këtyre ditëve, Asambleja u zhvillua në kushtet e një niveli të lartë tolerance, transparence dhe demokracie. Tani ka një fitues, por unë mendoj se edhe dy kandidatët e tjerë kanë humbur. I takon presidentit të Federatës që të punojë tashmë për të zhvilluar më shumë futbollin në këtë vend, ndërsa edhe ne kemi disa ide të reja, se si t’ju vijmë në ndihmë. Dëshiroj të përgëzoj edhe Armand Dukën, për fitoren në këto zgjedhje”, tha delegate i UEFA-s, Surkis.
