Çiftet e çerekfinaleve të Champions League kanë ngjallur një interes të madh për sportdashësit, të cilët me padurim presin të mësojnë se cilat ekipe do të presin gjysmëfinalet. Superkompjuteri i “TalkSPORT’s” i bërë i famshëm për parashikimet e rezultateve në sfida të mëparshme ka përllogaritur këtë herë fituesit e ndeshjeve çerekfinale të “Champions League”.
Ai parashikoi saktësisht eliminimin e Manchester City-t nga FA CUP në sfidën me Wigan si dhe eliminimin e Manchester United nga Sevillia në 1/8 e “Champions League”.
Parashikimet e superkompjuterit për çerekfinalet:
Juventus 1-2 Real Madrid
Kjo përballje do të jetë ndeshja më e balancuar, por në gjysmëfinale do të kalojë Real Madrid. “Zonja e vjetër” do të barazojë 1-1 në ‘Bernabeu’, ndërsa në ndeshjen e kthimit në Itali do të humbasë minimalisht 0-1 me gol të realizuar nga Ronaldo.
Barcelona 4-1 Roma
Barcelona sipas superkompjuterit do të sigurojë kualifikimin që në ‘Cam Nou’ ku do të fitojë pastër 3-0, ndërsa në ‘Olimpico’ Roma do të marrë një barazim 1-1.
Liverpool 4-3 Manchester City
Në çerekfinale do të kalojë Liverpool i cili në “Anfield” do të fitojë me shifrat 3-1, ndërsa në ndeshjen e kthimit në “Etihad Stadium” do të humbasë minimalisht 2-1.
Sevilla 1-4 Bayern Munich
Sevillia e cila nuk ka humbur asnjëherë në Spanjë ndaj një skuadre gjermane sipas superkompjuterit do ta bëjë sefte kundër Bayern Mynchen. Skuadra e Montella-s do të humbasë 1-2 në fushën e saj, ndërsa në ndeshjen e kthimit në “Allianz Arena” do të pësojë një disfatë 2-0.
