Sulmuesi i Oldham Athletic, Kian Harratt, është përfshirë në një incident të diskutueshëm gjatë pushimeve në Ibiza, ku sipas pamjeve që u bënë virale, shihet duke hedhur një karrige që përfundon duke goditur një grua në fytyrë.
Ngjarja ndodhi pranë një pishine, ku Harratt dhe miqtë e tij u përfshinë në një përleshje me një grup tjetër pushuesish britanikë.
Një dëshmitar tha se grupi i Harratt po sillej keq ndaj grave, duke hedhur topa dhe duke provokuar kalimtarët, çka shkaktoi përplasjen fizike.
Pasi incidenti mori vëmendje të madhe, Harratt theu heshtjen në një deklaratë për The Sun.
“Një burrë iu afrua mikut tim dhe deshi ta godiste me grusht”, ka thë fillimisht sulmuesi anglez.
“Unë ndërhyra dhe një karrige u hodh në drejtimin tonë. E mora dhe e hodha mbrapsht – nuk kisha ndërmend ta godisja gruan”.
“Ai ishte njeriu më i keq që mund të hasni ndonjëherë – një ngacmues. Ishte 1.98 metra i gjatë dhe i ndërtuar si tullë”, shtoi Kian.
Ndërkohë, dëshmitarë të tjerë e përshkruan sjelljen e grupit të Harratt si të papjekur dhe provokuese ndaj pushuesve të tjerë. Klubi nuk ka dalë ende me një qëndrim zyrtar.
