Lidhur me sulmet ne Siri ka reaguar dhe kancelaria gjermane Angela Merkel e cila është deklaruar në mbështetje të SHBA dhe aleatëve për sulmin në Siri.
Merkel e cilësoi sulmin “të nevojshme dhe të përshtatshme” për të paralajmëruar Presidentin Assad kundër përdorimit të mëtejshëm të armëve kimike. Ndërkohë, Gjermania deklaroi pak kohë më parë se nuk do të merrte pjesë në këto sulme.
“Duke pasur parasysh këtë, aleatët tanë amerikanë, britanikë dhe francezë kryen sulme ajrore kundër objekteve ushtarake të regjimit sirian sonte. Kjo qasje synon të kufizojë aftësinë e regjimit për të përdorur armë kimike dhe për të parandaluar atë nga shkelje të mëtejshme të Konventës për Armët Kimike.
Ne mbështesim që aleatët tanë amerikanë, britanikë dhe francezë, si anëtarë të përhershëm të Këshillit të Sigurimit të OKB-së, kanë marrë përgjegjësinë në këtë mënyrë. Operacioni ushtarak ishte i nevojshëm dhe i përshtatshëm për të ruajtur efektivitetin e ndalimit ndërkombëtar për përdorimin e armëve kimike dhe për të paralajmëruar regjimin sirian për shkelje të mëtejshme”, shprehet Merkel në deklaratën e saj.
