Ditën e sotme janë kryer të tjera sulme ajrore ndaj qytetit sirian Khan Sheikhoun, që ishte dhe vendi i sulmit me armë kimike të së martës.
Lajmin e ka publikuar CNN, e cila citon aktivistë të të drejtave të njeriut.
Vetëm dy ditë më parë, marina amerikane qëlloi me raketa “Tomahowk” një bazë ajrore siriane, veprim ky që acaroi Rusinë, mbështetëse e regjimit të presidentit sirian Bashar al Assad.
Madje, situata u tensionua edhe më shumë, kur qeveria ruse paralajmëroi për pasoja serioze në marrëdhëniet me SHBA-në.
Pak më herët, Washington Post shkruante se SHBA dhe Rusia mund të përplasen për shkak të Sirisë.
A janë këto shenjat e fillimit të një Lufte të Tretë Botërore?
