Dymbëdhjetë vetë kanë vdekur në sulme të dyfishta ndaj të krishterëve në jug të Kajros, në Egjipt. Dhjetë vetë vdiqën kur disa persona të armatosur sulmuan një kishë në jug të Kajros, por u kapën nga policia.
Rreth një orë më vonë, u sulmua një dyqan në të njëjtën zonë ku vdiqën dy persona. Më shumë se 100 të krishterë janë vrarë në Egjipt gjatë vitit të kaluar, shumica e sulmeve të pretenduara nga dega lokale e të ashtuquajturit grupit terrorist ISIS.
Forcat e sigurisë kanë vënë pikat e kontrollit rreth kryeqytetit në përgjigje të sulmeve. Ata njoftuan më parë këtë javë se do vendosen pika kontrolli për të mbrojtur festimet për Vitin e Ri dhe Krishtlindje.
Sulmi i së premtes duket se ka ndodhur kur policia patrulluese në kishë vërejti dy burra që silleshin në mënyrë të dyshimtë. Ata iu afruan burrave, të cilët filluan të gjuanin me armë.
Ndër të vdekurit ishin tre policë, të cilët ishin në detyrë në kishën e Mar Mina. Ka njoftime se disa njerëz janë plagosur, dy në mënyrë kritike. TIRANA TODAY
