Një incident i dhunshëm ka ndodhur mbrëmjen e sotme në një berberane në lagjen nr. 2 të Pogradecit, pranë zonës së njohur si Rruga Rinia.
Një shtetas i identifikuar si S.S, i cili është shpallur në kërkim, ka goditur me mjet prerës një të ri, shtetasin N.A, i cili po qethej në berber.
Konflikti ka nisur me fjalë dhe më pas agresori ka përdorur një thikë, duke lënduar 23-vjeçarin në kokë, krahë dhe dorë. Shtetasi N.A. është transportuar menjëherë në spitalin e Pogradecit dhe ndodhet nën kujdesin e mjekëve. Pas sulmit, agresori është larguar nga vendi i ngjarjes me makinë dhe policia është në kërkim të tij.
