Suarez: Kisha frikë për të ardhmen pas asaj që i bëra Chiellinit

Gjesti i tij do të mbahet mend shumë gjatë, pasi kemi parë ndërhyrje të dhunshme në futboll por që të arrinte deri tek kafshimi kjo ishte e rrallë. Luis Suarez është rikthyer të flasë për gabimin që ka bërë në Botërorin e 2014-ës, ku gjatë ndeshjes kishte kafshuar Georgio Chiellinin. Frika më e madhe e uruguaianit ishte se Barcelona do të tërhiqeshe nga interesimi që kishte treguar për të. Suarez u pezullua me 4 muaj nga futbolli për atë veprim dhe në fund gjërat shkuan më së miri për të.

“Sapo e bëra atë veprim, e kuptova gabimin. Golin e Godinit nuk e festova shumë, sepse po mendoja për atë çfarë do të ndodhte më vonë. Kur më pyeti gruaja se çfarë kisha bërë, e mohova dhe qava. Ishte një moment shumë i dhimbshëm për mua. Mendova se nuk do të më plotësohej ëndrra. Por, pasi më përjashtuan nga Botërori, drejtuesit e Barçës më thanë që sërish më dëshironin në skuadër” – tregon Suarez.