Botërori “Rusi 2018” ka ndezur merkaton e janarit më shumë se çdo vit, pothuajse çdo lojtarë që nuk ka pasur minutazhin e duhur në këmbë ka kërkuar largimin drejt një ekipi që do t’ia mundësonte këtë. Daniel Sturridge po këmbëngul që të largohet nga Liverpool dhe ti bashkohet Interit, raportojnë mediat italiane.
Te Liverpool, ai nuk e ka një vend të garantuar në formacion këtë sezon, dhe kërkon të largohet në janar në mënyrë që të rrisë shanset për të shkuar në Kupën e Botës. TuttoSport pretendon se ai i ka thënë Inter-it se është i gatshëm dhe trajneri i zikaltërve, Luciano Spalletti, është duke e konsideruar si një opsion të mundshëm.
Anglia e ka të tejmbushur repartin e sulmit me të cilin do të udhëtojë drejt Rusisë dhe vendin e sigurt në skuadrën e Gareth Southgate e ka vetëm Harry Kane. Por, konkurrenca është po aq e ashpër te Liverpool, Sturridge edhe kur është në formë të mirë fizike është duke kaluar shumicën e sezonit në stol. Southampton është një nga shumë skuadrat që interesohet për ish-sulmuesin e Chelsea-t në janar. Por Sturridge mund të huazohet për një periudhë gjashtë mujore në Serie A, nëse Spalletti do të japë OK e tij për transferimin.
