Lezha është përfshirë nga një stuhi e fuqishme që ka sjellë reshje të dendura shiu, duke shkaktuar përmbytje në disa zona kryesore të qytetit.
Pjesë të rëndësishme të Lezhës, përfshirë bulevardin “Gjergj Fishta” dhe bllokun e banimit “11 Janari” në lagjen Besëlidhja, janë goditur nga nivele të larta uji që kanë arritur deri në 30 centimetra. Ky fenomen ka bllokuar hyrjet e pallateve dhe ka vështirësuar lëvizjen e automjeteve dhe këmbësorëve.
Përmbytjet kanë shkaktuar ndërprerje të furnizimit me energji elektrike, duke i lënë pa drita disa zona të qytetit, përfshirë edhe zonën turistike të Shëngjinit, që ka pësuar pasoja të konsiderueshme.
Autoritetet lokale janë duke monitoruar nga afër zhvillimin e situatës dhe po ndërmarrin masa për të ndihmuar qytetarët.
