Edhe sot studentët vijojnë bojkotin dhe protestën, pasi janë kundër ligjit të ri të Mjekësisë.
Protestën studentët e Mjekësisë e nisën protestën para godinës së Fakultetit të Mjekësisë, ndërsa tani ndodhen në kyqëzimin te “9-katshet”, ku janë ulur nbë rrugë duke bllokuar qarkullimin e mjeteve.
Me pankarta në duar dhe duke brohoritur ata kërkojnë që të shfuqizohet ligji i ri për Mjekësinë, që i detyron ata të qëndrojnë në vend për 5 vite ose të paguajnë një tarifë.
Prej datës 2 tetor që nisi dhe viti i ri Akademik, studentët kanë bojkotuar mësimin në shenjë proteste për të kundërshtuar ligjin e ri për Mjekësinë.
Kujtojmë që ditën e djeshme Bordi i Administrimit të Universitetit të Mjekësisë Tiranë ka përllogaritur koston që duhet të pagujë një student që nuk pranon që të punojë në vend për 5 vite.
Bordi vendosi që çdo student që nuk përmbush detyrimin ligjor, do të jetë i detyruar të paguajë një tarifë prej 248 mijë lekësh të reja për çdo vit studimi.
Vendimi që kostoja për sudentët të jetë 248 mijë, i ka kaluar për miratim Bordit të Administrimit të Univeristetit të Mjekësisë, Tiranë.
