Strakosha i hap probleme Tares, Lazio në kërkim të një portieri

Strakosha ka mbyllur një sezon fantastik me ekipin e Lazio, ku ka qenë i aktivizuar në çdo ndeshje dhe ka dhënë një kontribut të madh për pozicionin e lartë në tabelë që e mbyllën. Pavarësisht se një pjesë e akuzoi për humbjen e fundit të lacialëve përballë Interin si “fajtorin” kryesor, ai vazhdon të jetë një nga shtyllat e ekipin.Strakosha në provën e parë që e vuri trajneri Inzaghi i bindi të gjithë dhe siguroi vendin e titullarit. Ai uli në pankinë portierin Federiko Marketi, i cili ka qenë pjesë e padiskutueshme e formacionit, madje edhe zëvendësues i Bufonit në komëbtaren italiane. Me kalimin në pankinë, Marketi ka vendosur që të largohet nga Lacio, për të gjetur një skuadër ku mund të ketë më shumë minuta, ndërkohë që portieri i tretë Ivan Vargiç nuk jep shumë siguri.Lacio ka nisur të kërkojë një portier që mund të qëndrojë si zëvendësues i Strakoshës dhe drejtori sportiv i Lacios, Igli Tare nuk do ta ketë të lehtë. Në krye të listës qëndron gardiani Albano Bizarri i Udinezes, i cili më parë ka luajtur ehe për Lacion.