Thomas Strakosha do të vazhdojë aventurën tek lacialët deri në vitin 2022. Tashmë kjo është bërë zyrtare edhe në faqen zyrtare të klubit, ku njofton edhe arritjen e marrëveshjes për të rinovuar. Ky rinovim ka ardhur si pasojë e paraqitjeve impresionuese që ka bërë portieri shqiptarë dhe ka qenë deçiziv në marrjen e rezultatit në disa ndeshje. Kulmin ai e arriti atë natë në “Juve Stadio”, ku priti penalltinë në minutat e fundit Dybalas dhe i dha fitoren ekipit të tij, e më pas u vlerësua si lojtarë i ndeshjes. Kur filloi interesi i ekipeve të tjera për të joshur djaloshin e ri shqiptarë dhe për ta afruar në ekip, bordi drejtues i Lacios vendos që ti rinovojë kontratën për 5 vitet e ardhshme, pasi i riu Strakosha premton shumë garanci.
Rinovimi ka ardhur edhe për bomberin e Lacios, italianin Immobile. Edhe ky i fundit është duke zhvilluar një sezon fantastik tek Lacio, pasi ka arritur të shënojë 10 gola në tetë ndeshje të luajtura. Immobile ka rinovuar kontratën e tij deri në vitin 2022.
