Influenca e Xherdan Shaqirit në lojën e Liverpool është e qartë sipas trajnerit Jurgen Klopp. Sulmuesi ka shënuar 6 gola në 18 paraqitje me “Reds”, 10 prej të cilave si titullar e 8 si zëvendësues.
Zvicerani me origjinë shqiptare ka dhënë edhe tre asist në këto paraqitje dhe Klopp ka dhënë një koment pozitiv për ecurinë e tij që nga transferimi nga Stoke e deri tani.
“Mirë, mirë, mirë – ai është adaptuar shumë më shumë në mënyrën si në luajmë futboll”, theksoi gjermani.
“Me kontrollin e topit ai ka ndryshuar stilin tonë. Ju mund të shihni në momentet që Shaqiri merr topin në një hapësirë të vogël, të gjithë vrapojnë. Kjo ndodh sepse të gjithë presin që të marrin topin nga ai dhe gjëra të tilla. Kjo është një shenjë e mirë dhe na jep disa shanse të reja që na ndihmojnë ne”, shtoi Klopp më tej.
“Deri tani është fantastik, vërtet fantastik, dhe ka akoma për të treguar. Ai e di këtë dhe ne po punojmë në drejtimet ku ai mund të përmirësojë lojën e tij, por me topin në zotërim ai është duke bërë gjëra brilante.
Goli ndaj Newcastle nuk është ndër golat më të vështirë që ne kemi shënuar, veçanërisht për të, por ishte lojë mbresëlënëse: Pasimi i Henderson, harkimi i Alexander-Arnold, ky ishte me të vërtetë një aksion i shquar. Qëndrimi në pozicion, kundër presingu, përfitimi i topit, ishte brilante. Për të qenë i sinqertë ai ka bërë më shumë se sa një OK”, ishin fjalët e Klopp për Shaqirin.
