Senati i Spanjës ditën e sotme është mbledhur për të miratuar planet që qeveria spanjolle ka dorëzuar pranë senatit për të vendosur kontrollin e Spanjës mbi Katalonjë. Miratimi i këtij plani do ketë si masë të parë, shkarkimin e presidentit të Katalonjës.
Kryeministri i Spanjës , Mariano Rajoy, është shprehur se nëse senati do të miratojë planet e qeverisë, atëherë ne do të propozojmë shkarkimin e presidentit të Katalonjës dhe ministrave të tij, si fajtorët e vetëm të gjendjes në Katalonja, ku u shkelën ligji dhe të drejtat e të gjithëve.
”Nëse do të miratohen planet e qeverisë, atëherë masa e parë e qeverisë do të jetë shkarkimi i presidentit rajonal të Katalonjës, Carles Puigdemont, dhe ministrat e tij” , pasi ajo që ndodhi në Katalonja” është një shkelje e ligjeve, demokracisë dhe të drejtave të të gjithëve dhe kjo do të ketë pasoja “ka thënë Rajoy.
Pas referendumit të Katalonjës që u mbajt në 3 tetor, qytetarët e këtij vendi votuan me unanimitet në favor të pavarësisë dhe shkëputjes nga Spanja. Presidenti i Katalonjës, CarlesPuigdemont, më herët ka deklaruar se rajoni do shpallë Pavarësinë nëse dialogu me Madridin zyrtar dështon.
‘Nëse qeveria vijon të shmangë dialogun dhe të ushtrojë presion dhe dhunë, atëherë parlamenti i Katalonjës do shpallë deklaratënzyrtarë të pavarësisë’, shkruante Puigdemont në letrën e dytë që i dërgoi kryeministrit spanjoll, Rajoy.
