Katalonja humbi 15,000 vende pune në tetor, pasi filloi të ndihej ndikimi ekonomik i krizës politike në rajonin më të pasur të Spanjës. Shifrat u publikuan të premten, ndërsa papunësia u rrit me 3.67% në mesin e katalanasve vetëm një muaj pas referendumit, i cili pasoi me shpalljen e pavarësisë.
Një gjyqtar spanjoll lëshoi një urdhër arresti evropian për udhëheqësin e rrëzuar Puigdemont dhe katër ndihmësit e tij të mëparshëm, të cilët aktualisht janë në Bruksel.
Puigdemont u largua nga Spanja për në Bruksel për të shmangur arrestimin, edhe pse publikisht deklaroi se nuk ishte kjo arsyeja e largimit.
Një gjykatës i lartë në Madrid i ka kërkuar zyrtarisht Brukselit që të arrestojë liderin e Katalonjës.
Puigdemont akuzohet për rebelim, separatizëm, shpërdorim të fondeve publike, mosbindje dhe thyerje të besimit në lidhje me fushatën e pavarësisë.
Ai ka deklaruar se nuk i beson drejtësisë spanjolle dhe se kërkon të bashkëpunojë me autoritetet belge.
