Luciano Spalletti është shprehur se gabimet që bëri Interi sot në humbjen përballë Udineses ishin shumë të thjeshta dhe se nuk e kupton pse shkoi ashtu. Interi u mposht në “San Siro” nga Udinese me rezultatin 1-3. Nerazzurët kanë qenë të pamposhtur deri tani këtë sezon, por e kanë humbur atë rekord në San Siro, pasi u mposhtën nga Udinese në javën e 17-të. Kjo humbje e Interit sipas trajnerit të tyre Spalletti, erdhi si pasojë e gabimeve të vogla dhe uljes së intensitetit të lojës.
“Ishte pak e papritur, fillimi i pjesës së dytë në krahasim me si e mbyllëm të parën”, ka thënë fillimisht Spalletti për Sky Sport Italia. “Kishim distancën e duhur, formën dhe qëndrimin e duhur. Ne nuk i finalizuam shanset tona si zakonisht, por i krijuam ato. Në gjysmën e dytë, kemi bërë shumë gabime të thjeshta dhe Udinese arriti të krijojë këtë epërsi të dy golave. Unë u përpoqa të fus Roberto Gagliardinin për të zvogëluar hendekun në forcën fizike, por nuk ndryshoi asgjë. Kjo duhet që të na mësojë se kur e ulni intensitetin në një ligë me kufij kaq të ngushtë, do të lëshoni pikë. Edhe situatat më të vogla mund të bëjnë dallimin”, përfundoi italiani.
