Këtë mbrëmje, SPAK, në bashkëpunim me Policinë e Shtetit dhe AMP kanë lëshuar në total 10 urdhër-arreste.
Përpos disa shtetasve që dyshohet se merreshin me veprimtari kriminale, kryesisht trafik droge, janë lëshuar masa edhe për efektivë policie.
Një nga të arrestuarit është Elvis Alisinanaj, aktualisht shef krimesh në Lushnjë. Akuzat ndaj tij janë: kultivim kanabisi, grup i strukturuar kriminal, shpërdorim detyre dhe kryerja e veprave penale nga organizata kriminale. e ushtrimi i ndikimit të paligjshëm ndaj personave që ushtrojnë funksione publike.
Alisinanaj u shkarkua në vitin 2022 nga Drejtori i Policisë së Shtetit të asaj kohe Gledis Nano, pas ngjarjes tragjike, ku polici Arjan Tase përplasi për vdekje një 7-vjeçare në plazhin e Potamit në Himarë.
Nano në atë kohë njoftoi shkarkimin e të gjithë zinxhirit komandues të Drejtorisë Vendore për Kufirin dhe Migracionin Vlorë.
