Partia Demokratike ka mbledhur në çadrën e protestës grupin e saj parlamentar, të cilët refuzojnë të kthehen në Parlament pa u krijuar qeveria teknike.
Deputeti Edmond Spaho tha se “kryeministri Rama ka kanabizuar vendin dhe me këtë qeveri nuk ka kthim në Parlament. Ne duam një qeveri teknike që mbron interesat e qytetarëve shqiptarë. Duam një qeveri teknike për të pasur zgjedhje të lira dhe të ndershme”.
Spaho vuri në dukje se “me Edi Ramën nuk ka standarde dhe zgjedhje pa opozitën ka zhvilluar vetëm Ramiz Alia. Edi Rama nuk mund të mbajë zgjedhje pa opozitën dhe Partinë Demokratike. Le ta provojnë të mbajnë zgjedhje pa Partinë Demokratike dhe opozitën”.
Ai shtoi se “nuk mund të sakrifikojmë demokracinë për stabilitetin. Vetëm qeveria teknike dhe zgjedhjet e lira janë e vetmja alternativë për Shqipërinë”.
Tirana Today
