I ati i 19-vjeçarit që mbeti i plagosur me thikë në “Qytet Studenti” ka rrëfyer se si është gjendja shëndetësore e djalit të tij. Ai shprehet se mjekët i kanë thënë se djali është jashtë rreziku për jetën, por i duhet kohë ta marr veten. Gjithashtu ai thotë se djalin e ka takuar por nuk ka mundur të flasë me të. Më tej ai shprehet se problem i madh është fakti që nuk ka fare siguri dhe të gjen e pabëra kot.
“Djali im është 19-vjeç, studentë në vit të dytë për Inxhinieri Ekonomike. Unë e di ça djali kam rritur dhe edukuar, por sot të gjen e pabëra kot. Sot më ndodhi mua, nesër dikujt tjetër, problem i madh është fakti që nuk ka fare siguri. Nuk mendoja se do më ndodhte kjo, kurrë në botë. Unë duke porositur mësuesit që të kontrollojnë çantën e djalit vogël që e kam 12 vjeç që mos të marr ndonjë gjë që s’duhet në shkollë, për të madhin as që më kishte shkuar mendja fare se do i ndodhte kjo. Mjekët më kanë thënë se është jashtë rreziku për jetën, por i duhet kohë ta marr veten. E takova pak më parë djalin, por u mallëngjeva, zura të qaj dhe nuk mund të flas me të. Më vjen keq për ata prindër ça djali kanë rrit, ai që ia bëri djalit tim këtë” tha babai i të plagosurit.
