Sekretari amerikan Antony Blinken ka mbërritur te Piramida ku do të mbajë takimin me rreth 100 të rinj shqiptarë të cilët kanë përfituar nga programet amerikane që lidhen me kulturën.
Në nisje të këtij takimi, Edi Rama ka mirëseardhur Blinken, duke i thënë se në vendin tonë është i sigurt, duke bërë edhe batutë kur tha se ne nuk jemi një vend i madh dhe i pasur si shumë vende që ai ka vizituar, por nuk jemi të mërzitshëm.
“Unë kam lajme për ju sot, diktatori ynë për të cilën kjo piramidë u ndërtua po rrotullohet në varrin e vet sot. Ai na rriti me urrejtjen për t’iu luftuar, na mësoi t’ju urrenim ju. Na la të vdisnim në porta para se ju të jeni në vendin tonë. Sot iu mirëpresim dhe urojmë marrëdhënien tonë të ardhshme. Dikur një tempull i errësirës ky tempull zgjeron horizontet e rinisë sonë.
Në emër të shqiptarëve iu uroj mirëseardhjen dhe siç u shkrua në ligjin tonë të parë ‘Shtëpia e shqiptarit i përket Zotit dhe mikut. Çelësat e shtëpisë sonë janë në duar të sigurta nga ju dhe ju jeni shumë të sigurt në shtëpinë tonë. Mirë se vini në Shqipëri miku im.’
Kini parasysh nuk jemi aq të mëdhenj e të pasur, por jemi në vend të parë sa i përket dedikimit tonë dhe nuk jemi aq të mërzitshëm sa vendet e tjera mund të jenë”, tha ai.
