Ambasadori i Bashkimit Europian në Shqipëri, Luigi Soreca, ka marrë pjesë ditën e sotme në konferencën parlamentare mbi “Rolin e Parlamentit në Procesin e Berlinit”.
Gjatë fjalës së tij Soreca tha se integrimi i Ballkanit Perëndimor në union do të jetë në krye të agjendës politike, në samitin e Procesit të Berlinit, i cili do të mbahet ditën e hënë në Tiranë.
“Ndryshimet politike me mënyrën sesi Rusia e sheh Ukrainën, i ka fokusuar të gjitha mendjet në Bruksel, e ka rritur vëmendjen, vëmendja nuk ka qenë kurrë më e madhe sesa tani për zgjerimin e BE. Tani e kemi kuptuar që është një çështje e lartë strategjike për sigurinë në BE. Duhet të përshpejtojmë procesin e reformave por edhe të hyrjes në Bashkimin Evropian. Kjo çështje është në krye të agjendës politike në Shqipëri, në rajon, edhe këtë të hënë që vjen. Ne shpresojmë që të përgatitemi për samitin e Ballkanit Perëndimor i cili në mes të dhjetorit do të organizohet në Bruksel, në vijim të takimit të fundit që do të zhvillohet në Tiranë”, tha Soreca, teksa më tej theksoi se Shqipëria meriton merita, pasi është një nga vendet e marra që ka marrë drejtimin e Procesit të Berlinit dhe asgjë nuk ka ndodhur aksidentalisht.
Ndër të tjera ambasadori tha se është e rëndësoshme që të vazhdohet me reformat, duke ritheksuar se reforma në drejtësi ka qenë ajo e cila ka sjellë shumë për vendin tonë.
“Është e rëndësishme që të vazhdohen me reformat. Reforma e drejtësisë ka sjellë kaq shumë në këtë vend, por edhe në rajon në përgjithësi. Progresi gradual drejt BE do të jetë, do të ndihmohet nga promovimi i disa përfitimeve që do të ndodhë me anëtarësimin në BE”, shtoi ambasadori.
“Është shumë e rëndësishme që ministrat dhe drejtuesit e shteteve të takohen, por edhe anëtarët e parlamentit e rajonit, përfaqësuesit e popullit në rajon, të takohen dhe të tregojnë unitetin e tyre, dhe të dalin me deklarata të përbashkëta. Jam shumë i nderuar që tani mund të marr pjesë së bashku me anëtarët e parlamentit. Folësi i mëparshëm tha se ne jemi duke u takuar në moment shumë të rëndësishëm për rajonin tonë, Ballkani Perëndimor është pjesë e BE. Ndryshimet politike me mënyrën sesi Rusia e sheh Ukrainën, i ka fokusuar të gjitha mendjet në Bruksel, e ka rritur vëmendjen, vëmendja nuk ka qenë kurrë më e madhe sesa tani për zgjerimin e BE. Tani e kemi kuptuar që është një çështje e lartë strategjike për sigurinë në BE. Duhet të përshpejtojmë procesin e reformave por edhe të hyrjes në Bashkimin Evropian. Kjo çështje është në krye të agjendës politike në Shqipëri, në rajon, edhe këtë të hënë që vjen. Ne shpresojmë që të përgatitemi për samitin e Ballkanit Perëndimor i cili në mes të dhjetorit do të organizohet në Bruksel, në vijim të takimit të fundit që do të zhvillohet në Tiranë.
Procesi i Berlinit luan një rol të rëndësishëm për shkak se është një platformë, ku partnerët e rajonit të punojnë më shumë për projektet, reformat, që do i përgatisin të hyjnë në BE. Samiti i Berlinit është një katalizator i BE, për të arritur marrëdhënie miqësore. Shqipëria meriton merita, si një nga vendet e para që ka marrë drejtimin dhe asgjë nuk ka ndodhur aksidentalisht. Procesi që do të fillojë nga presidentja Von der Leyen, do të jetë një copëz mjaft e rëndësishme e këtij “puzzle”. Objektivi i këtij plani është që të bashkohen vendet e Ballkanit Perëndimor në një treg të përbashkët para se të hyjnë në BE”, tha ai.
