Dy sulmeve me bomba që goditën Mogadishu, kryeqytetin e Somalisë. Numri i të vdekurve nga shpërthimi në Mogadishu rritet në më shumë se 230, tha nënkryetari i dhomës së lartë të parlamentit somalez Abshir Mohamed Ahmed. Ky është sulmi më vdekjeprurës që nga fillimi i kryengritjes islamike në vitin 2007.
Presidenti i Somalisë, Mohamed Abdullahi Farmaajo, shpalli tre ditë zie ndërsa bëri thirrje për dhurim gjaku dhe ndihme për viktimat e sulmit që la pas vetes edhe rreth 100 të plagosur.
Abdulkaidr Mohamed Abdulle, korrespondenti i shërbimit somalez të Zërit të Amerikës, është në mesin e të plagosurve. Gruaja e tij, Samira Abdirahman Sheikh Adam, konfirmoi për Zërin e Amerikës se ai ka pësuar plagë në koke, qafë dhe në dorën e djathtë.
Ende askush nuk e mori përgjegjësinë për sulmin, ndërsa grupi militant islamik al Shabaab, që është aleat me al Qaedan, ka kryer rregullisht sulme në kryeqytet dhe në zona tjera.
