Skënderbeu do të zbresë në ‘Elbasan Arena’ me shpresën për të marrë pikur e para në këtë fazë grupesh në Europa League. Tekniku Daja u shpreh se kampionati është parësorë për ekipin, por nuk do të lihet mbas dore ky kompeticion. Kjo ndoshta pasi tekniku Daja i ka të qarta forcat që ka dhe sa mund të luftojë në Europa League.
Nga ana tjetër edhe Young Boys kërkon të mos humbasë më shumë terren në grup pas barazimit 1-1 me Partizanin e Beogradit në shtëpi. Në intervistën para ndeshjesh portieri i zvicerianëve u shpreh qartë se nuk tremben nga Skënderbeu dhe në Shqipëri do të kërkojnë fitoren.
Trajneri Ilir Daja në zgjedhjen e formacionit ka qenë i kushtëzuar nga dëmtimet si dhe rotacionin që i duhet të bëj për shkak të lodhjes së lojtarëve. Numri 1 i pankinës deklaroi para sfidës “se edhe pse ky është një kompeticion i rëndësishëm për Skënderbeun, primare mbetet kampionati”.
Ndërkohë edhe trajneri i Young Boys ka zgjedhur formacionin e tij i “përgjysmuar” nga dëmtimet. Për sfidën në Elbasan kanë udhëtuar edhe mjaft lojtarë nga ekipi i të rinjve.
21:05 | SKËNDERBEU – Young Boys
Skënderbeu:( Shehi, Vangjeli, Jashanica, Aliti, Mici, Muzaka, Lilaj, Xhejms, Gavazaj, Sahiti, Soue)
Trajner: Ilir Daja
Young Boys: (Von Ballmos, Byrki, Von Bergen, Vytriç, Jos, Abisher, Sanogo, Sulejmani, Shik, Asale, Moumi Ngamaleu)
Trajner: Adi Hyter
