Ministrja e Kulturës ka ndjekur punimet në Qendrën e Artit, “Skena e Re”, e cila do të shërbejë si pikënisje me performanca skenike të artistëve të Bienales së Mesdheut.
Kumbaro shoqërohej nga sekretarja e përgjithshme e Ministrisë së Kulturës, Elira Kokana, dhe arkitektja Daniel Pirushi. Ajo u takua me inxhinierët, teknikët dhe zbatuesit e këtij projekti.
Kjo Bienale do të zhvillohet në Shqipëri, në datat 4-9 maj 2017.
Projekti synon krijimin e një hapësire të re qytetare, si dhe përmirësimin e marrëdhënieve me spektatorin, duke zgjeruar gamën e aktiviteteve dhe ambienteve të reja artistike.
Ky projekt parashikon krijimin e:
– Një salle teatri me një audiencë 400 vende, me një skenë me madhësi 430 m2;
– Një salle teatri me audiencë 150 vende dhe një skenë me sipërfaqe 140 m2;
– Një holli / Foyer me sipërfaqe rreth 300 m2;
– Një holli / Foyer me sipërfaqe rreth 60 m2;
– Hapësirave për ekspozim të Arteve Vizuale;
– Hapësirave për administratën;
– Ambienteve ndihmëse.
