Meçe: Këshilltari i Trump nuk ka mandat të flasë në emër të tij, Berisha po manipulon opinionin
Analisti Arben Meçe ka deklaruar se ardhja e një këshilltari të Donald Trump në Shqipëri është një veprim lobimi dhe se ai nuk ka të drejtë të flasë në emër të ish-presidentit amerikan. Në një emision televiziv, Meçe theksoi se kjo është një skemë manipulative që Sali Berisha po përdor për të krijuar idenë se ka mbështetje nga SHBA.
“Duket qartë që kemi të bëjmë me një lobim me vlerë të konsiderueshme, e cila do të duhet të regjistrohet dhe të bëhet publike. Ky person nuk ka asnjë mandat të flasë në emër të Trump apo SHBA-ve, dhe deklaratat e tij janë ndërhyrje në punët e brendshme të një vendi tjetër,” tha Meçe.
Ai shtoi se, historikisht, politika amerikane është përcjellë nga ambasada e saj në Tiranë ose përfaqësues të autorizuar zyrtarisht, jo nga individë të jashtëm që nuk mbajnë ndonjë pozitë ekzekutive në administratën amerikane.
Meçe gjithashtu u ndal te çështja e 21 janarit, duke nënvizuar se disa persona pritet të thirren për të dëshmuar para zgjedhjeve të majit. Ai tha se ndaj tyre mund të ketë edhe ndjekje penale dhe masa sigurie, ndërsa shtoi se Sali Berisha dhe Lulzim Basha ende nuk janë paraqitur për të dëshmuar në këtë çështje.
