Prokuroria e Posaçme ka marrë në pyetje Alma Kaçin, për herë të dytë që pas publikimit të videos së skandalit seksual ku u përfshi dhe kryebashkiaku i Kukësit Safet Gjici. Mementet intime në zyrë i kushtuan Gjicit postin e sapo fituar nga zgjedhjet e 14 Majit.
Alma Kaçi është aktualisht në masë sigurie “Arrest në shtëpi”, për shkak se ka një fëmijë të mitur, ndërkohë është e paqartë thirrja dhe paraqitja e saj për herë të dytë, këtë të premte, për të dëshmuar.
Dje, për të njëjtin rast është shoqëruar në SPAK dhe politikani e biznesmeni Safet Gjici, i cili ka dëshmuar gjithashtu para hetuesve e prokurorëve.
SPAK nisi hetimet fillimisht për akuzën “Shpërdorim detyre”, ndërsa më pas kur u publikuan edhe biseda e plota mes Gjicit dhe Alma Kaçit, rezultoi se kjo e fundit kishte kërkuar favore për një tender dhe kryebashkiaku i Kukësit kishte urdhëruar stafin të merrej me dokumentet.
Akuza e dytë ndaj Safet Gjicit është ajo e “Korrupsionit pasiv”. Video e skandalit seksual në zyrën e kryetarit të Bashkisë së Kukësit u publikua më 16 qershor 2023 dhe një javë më pas, Safet Gjici dhe Alma Kaçi u arrestuan me urdhër të Prokurorisë së Posaçme.
