Eksperti i sigurisë në burgje, Faik Basha ishte i ftuar në një program televiziv ku foli për ngjarjen e rëndë në burgun e Peqinit, ku një i burgosur vrau me armë një të burgosur dhe plagosi një të burgosur tjetër.
Basha u shpreh se është një ngjarje shumë e rëndë që ka krijuar një tronditje të madhe në opinionin publik.
‘’Është një ngjarje shumë e rëndë. Prokuroria po sqaron edhe dinamikën për të analizuar më mirë ngjarjen.
Kjo ngjarje ka krijuar një tronditje në opinion publik.
Është cënuar një institucion i sigurisë së lartë që supozohet të ketë disa elementë sigurie të jenë të pathyeshme.
Për fat të keq rezulton që siguria të ketë ceduar në këtë institucion.
Prej 20 ditësh thuhet se i dënuari ka lëvizur me armë brenda një regjimi’’, tha ndër të tjera Basha.
