Kandidati për bashkinë e Tiranës në 14 maj, Belind Këlliçi ka reaguar pas skandalit që u zbulua për kryebashkiakun e bashkisë Kukës, Safet Gjicin.
Këlliçi në mënyrë ironike kërkon reagimin e Urdhrit të Psikologut, pasi këta të fundit gjatë fushatës elektorale, posterin e kandidatit opozitar e cilësuan si fyes dhe denigrues.
“Në pritje të reagimit të Urdhrit të Psikologut, atyre që u shqetësuan shumë nga posteri i fushatës sime elektorale kundër korrupsionit. Rastin e Gjicit të Kukësit ende nuk e paskan parë mesa duket…”, shkruan Këlliçi në rrjetin e tij social Facebook.
