Skënderbeu ka denoncuar një akt dhunë përpara takimti me Kastriotin që do të nisë në 14:00 në Fushë Krujë. “Rreth 25 persona të paautorizuar brenda stadiumit
‘Redi Maloku’ kanë goditur dhe dhunuar lojtarët Oto Xhon, Kristi Vangjeli dhe Idriz Toskiç. Asnjë forcë policie në stadium për të ruajtur rendin”, shkruan faqja zyratre e korçarëve në “Facebook”. Më poshtë reagimi:
Skandal përpara fillimit të takimit të javës së 20-të, Kastrioti – Skënderbeu. Reth 25 persona të paautorizuar brënda stadiumit ‘Redi Maloku’ kanë goditur dhe dhunuar lojtarët bardhekuq , Oto John, Kristi Vangjeli dhe Idriz Toskiç
Asnjë forcë policie e pranishme në stadium për të ruajtur rendin dhe mbarëvajtjen e ndeshjes.
Ndërsa menjëherë oas dhunimit të 3 lojtarë të Skënderbeut në Fushë-Krujë, ka reaguar për “Panorama Sport” presidenti Adrian Takaj.
“Është e papranueshme që shkohet për të luajtur ndeshje në vitin 2019 dhe nuk ka as polici të shtetit dhe as polici private në stadium. Mbi 20 persona kanë sulmuar lojtarët tanë dhe në këtë moment po mendojmë të bojkotojmë ndeshjen. Është e tmerrshme që nuk ka siguri fare. Nuk e di nëse do të luajmë apo jo, kaq mund të them për momentin”, deklaroi presidenti Takaj.
