Një skandal është zbuluar në Argjentinë, ku janë arrestuar 6 persona, të cilët akuzohen për kontrabandë kokainë me vlerë rreth 60 milion dollarë.
Por, ajo që e bën skandaloze ngjarjen, është se trafikantët do të përdornin pikërisht shërbimin diplomatik të Ambasadës ruse për trafik kokaine në Evropë.
Kështu, pas një operacioni të përbashkët të ministrisë së Sigurisë në Argjentinë dhe policisë ruse, janë kapur rreth 400 kg kokainë në ambasadën ruse në Buenos Aires, Argjentinë.
Sipas hetimeve, kokaine trafikohej në Evropë dhe kishte destinacion Rusinë dhe ndoshta edhe Gjermaninë.
Ministrja argjentinase e Sigurisë, Patricia Bullrich tha se kokaina e gjetur në Ambasadën ruse në Buenos Aires ishte me vlerë 60 milionë euro dhe me pastërti shumë të lartë.
Ndërkohë, në pranga kanë përfunduar dy persona në Argjentinë dhe tre në Rusi, ndërsa policia vijon hetimet për kapjen e personave të tjerë të përfshirë në skandalin në fjalë.
