Për frutat dhe perimet me sasi të lartë të pesticideve faji është i shtetit. Fermerë por edhe specialistë të Bujqësisë në Lushnje tregojne se shteti mungon në kontrollin e pesticideve që ata përdorin, ku asnjë punonjës i bujqësisë nuk është i pranishëm të fermerët.
Fermerët dhe specialiste te Bujqësisë në Lushnje fajësojnë shtetin për frutat dhe perimet me nivel te lartë të pesticideve. Fermeri Nikollë Mihali nga fshati Shakuj në njësinë administrative Kolonjë bashkia Lushnje kërkon që të ketë kontrolle periodike nga punonjës të shtetit, pasi në kaq vite nuk parë asnjë punonjës nga drejtoria e bujqësisë që të vijë dhe të interesohet për mbjelljet që kanë bërë femerët. Ai shprehet se kur goditet nje fermer, goditen te gjithë.
Ndërsa specialisti i bujqësisë Ardit Bali, me profesion agronom shprehet se nuk funksionon fare zinxhiri i kontrollit që nga lëshimi i çertifikatave fitosanitare për produktet për eksport, pasi sipas tij inspektoret e mbrojtjes së bimëve lëshojnë certifikata pa bërë analiza, teksa vë theksin edhe te mungesa e laboratorëve Ndërkohë që ditët e fundit nga Kroacia, por edhe Slloveni janë kapur fruta dhe perime që shkon nga shqipëria me nivel te lartë të pesticideve.
