Homazhet për Kryepeshkopin Anastas Janullatos kanë nisur me një ceremoni të veçantë, ku pjesëtarët e Sinodit të Kishës Ortodokse janë parë duke mbajtur qirinj në duar dhe duke ecur në shenjë nderimi.
Trupi i Kryepeshkopit pritet të vendoset në Katedralen “Ngjallja e Krishtit” në Tiranë, ku edhe do të kryhet ceremonia e varrimit.
Në këtë ngjarje të rëndësishme, pritet të marrin pjesë personalitete të larta fetare dhe politike nga vendi dhe bota. Kryeministri i Greqisë, Kyriakos Mitsotakis, do të jetë i pranishëm, i shoqëruar nga pesë ministra të kabinetit të tij. Ceremonia do të mbledhë gjithashtu përfaqësues nga të gjitha mitropolitë e vendit, liderë të komuniteteve të tjera fetare dhe diplomatë të ambasadave të huaja.
Një delegacion i nivelit të lartë nga Vatikani dhe përfaqësues të kishave të krishtera nga mbarë bota do të marrin pjesë në ceremoni, ndërsa katër Patriarkë nga Jeruzalemi, Aleksandria, Bullgaria dhe Kostandinopoja kanë konfirmuar praninë e tyre, duke nderuar kështu figurën e rëndësishme të Kryepeshkopit Anastas.
