Siria sapo u bë përsëri lajm kryesor për mediat botërore. Për të ardhur keq është fakti se është e njëjta Siri e Alepos është po e njëjta Siri, ku vetëm 6 vitet e fundit janë vrarë me qindra-mijëra njerëz.
Por çfarë ndodhi herën e fundit?
Të martën herët, kur shumë njerëz ishin në gjumë avionët luftarakë sulmuan Khan Sheikhoun, rreth 50 km (30 milje) në jug të qytetit të Idlib. Agjencia e fëmijëve të OKB-së ka konfirmuar se të paktën 27 fëmijë janë vrarë.
Observatori Sirian për të Drejtat e Njeriut, ka raportuar se 86 persona kanë vdekur në incidentin kimik në Khan Sheikhoun, në provincën Idlib.
Rusia, një nga disa aleatët e presidentit sirian Bashar al-Asadit, u sfidua nga SHBA dhe Britania e Madhe në Këshillin e Sigurimit të OKB-së, të mërkurën, kur ai u përpoq të argumentojë se helmimi masiv ishte shkaktuar nga armët kimike të rebelëve.
Sipas UNICEF-it, të paktën 27 fëmijë janë vrarë dhe më tej 546 njerëz, në mesin e tyre shumë fëmijë, u plagosën. Ministri i jashtëm turk, Bekir Bozdag, tha të enjten se autopsitë e kishin konfirmuar se armët kimike janë përdorur. Ushtria ruse konfirmoi të mërkurën se forcat ajrore siriane kanë nisur sulme ajrore në zonë Khan Sheikhoun, por tha se ata kishin vendosur mospërdorimin e armëve kimike duke u ruajtur nga rebelët.
Sa i besueshëm është versioni rus?
“Është shumë e qartë se kjo është një sulm me gas Sarin.”- tha Hasan Haj Ali, komandant i ushtrisë së Sirisë. Ai i tha agjencisë së lajmeve Reuters: “Të gjithë e panë aeroplanin, ndërsa ai bombardonte me gaz.”
Do të ndërhyjë Amerika?
Trump tha të mërkurën: “Unë ju them, kjo ka ndodhur tashmë që qëndrimi im ndaj Sirisë dhe Assad ka ndryshuar shumë …”. Megjithatë, ai nuk ka dhënë asnjë hollësi të mëtejshme.
Sulmi erdhi vetëm disa ditë pasi ambasadori amerikan në OKB, Nikki Haley, tha se SHBA nuk e shikon me prioritet largimin e presidentit Assad – një ndryshim në politikën e SHBA-së, nga koha Obama. Z. Trump ka premtuar një strategji të re për Sirinë dhe Irakun dhe ka pasur disa rritje në numër të trupave, por ky zhvillim i fundit do të rrisë presionin për veprim më vendimtar, raporton Gary O’Donoghue i BBC-së, nga Uashingtoni
A ka përdorur Assad armë kimike më parë?
Qeveria siriane u akuzua nga fuqitë perëndimore për qitjen e raketave të mbushura me Sarin në Ghouta, Damask, duke vrarë qindra njerëz në gusht të vitit 2013.
Presidenti Assad mohoi akuzën, duke fajësuar luftëtarë rebelë, por ai më pas ishte dakord që të shkatërrojë arsenalin kimik të Sirisë.
Qëndrimi është i qartë, askush nuk po merret me sigurinë e Sirisë. Të gjithë duan të njohin fajtorin, por vetëm kaq. Duket qartë se siguria në Siri nuk po i intereson kujt.
BBC/Tirana Today
