Ministri i Brendshëm Taulant Balla, ka reaguar lidhur me Paketën e Sigurisë në Shkolla.
Balla u ka rikujtuar nxënësve dhe prindërve të bashkëpunojnë me Policinë e Shtetit, me Oficerët e Sigurisë në shkolla për të sinjalizuar çdo rast paligjshmërie që konstatojnë.
Përmes një postimi në rrjetet sociale Balla i bën apel nxënësve dhe prindërve të bashkëpunojnë me Policinë e Shtetit.
“Policia e Shtetit ndjek çdo ditë zbatimin e masave që ka në përgjegjësi në kuadër të #PaketaeSigurisënëshkolla
Dua t’i rikujtoj nxënësve dhe prindërve të bashkëpunojnë me Policinë e Shtetit, me Oficerët e Sigurisë në shkolla, psikologët, punonjësit socialë, stafet pedagogjike, për të sinjalizuar çdo rast paligjshmërie që konstatojnë, në mënyrë që të gjithë së bashku, të bëjmë më të mirën për sigurinë e tyre”, shkruan Balla.
