Kanabisi konsiderohet gjerësisht si ndër opsionet më të përhapura, kur është fjala për bimët medicinale. Megjithatë, në kohërat e lashta, popullariteti i kësaj bime ishte shumë më i madh, dhe përdorimi i saj shumë më i zakonshëm në aspekte të ndryshme të jetës së përditshme.
Ligjet moderne, kanë ndaluar shumë nga praktikat kulturore dhe fetare, që kanë qenë pjesë e historisë dhe kulturës së Egjiptit për mijëra vjet. Nuk ishte e lehtë të zbulohej historia dhe provat në mbështetje të këtyre pretendime, por tani që kjo ka ndodhur, le të hedhim një vështrim tek disa prej fushave ku egjiptianët e lashtë e përdornin kanabisin.
Kanabisi si ilaç në Egjiptin e Lashtë
Egjiptianët e lashtë, patën zbuluar dhe përdorur vetitë mjekësore të kanabisit, edhe përtej asaj që shkenca moderne mjekësore ka qenë në gjendje të bëjë deri më sot. Papirusi Ebers, u shkrua përafërsisht rreth vitit 1550 P.E.S, dhe është një nga tekstet më të vjetra mjekësore që janë gjetur deri më sot.
Ai përmend një numër formulash, që përdorin kërpin për të lehtësuar dhimbjen, dhe inflamacionin e shkaktuar nga sëmundjet dhe lëndime të ndryshme. Me sa duket, gratë në veçanti e përdornin marijuanën si një mënyrë për të kuruar depresionin dhe problemet e tjera psikologjike në Egjiptin e hershëm.
Kanabisi: Udhëtim nëpër epoka
Përdorimi më i vjetër mjekësor i kanabisit në rajon, mund të datojë edhe më herët, deri në vitin 2000 P.E.S, kur mund të ketë qenë përdorur për të trajtuar glaukomën, kataraktin e syve, hemorroidet, gjakderdhje vagjinale dhe madje edhe kancerin.
Mund të vlerësohet se kanabisi ndoshta nuk qe një kurë në vetvete, por një lehtësues i simptomave në shumicën e rasteve.
Nga ana tjetër, shkenca mjekësore moderne, po fillon të vërtetojë faktin se kanabisi ka disa veti të jashtëzakonshme për lehtësimin e dhimbjeve, së bashku me të qenit një agjent qetësues shumë i fuqishëm për sistemet nervore të ç’ekuilibruara tek pacientët që vuajnë nga sëmundja e Parkinsonit.
Kanabisi në fenë dhe kulturën egjiptiane
Kur u zbulua dhe u ekzaminua mumia e Faraonit Ramsesi II në vitin 1881, gjurmët e kanabisit tek eshtrat e të ndjerit, qenë gjëja e fundit që mund të prisnin arkeologët, por ato ishin aty. Prej atëherë, shumë nga mumiet e zbuluara kanë shfaqur gjurmë të ngjashme të kanabisit, duke konfirmuar dyshimin se ky lloj bari ishte vërtet pjesë e kulturës tradicionale në Egjiptin e lashtë.
Seshat, Perëndesha e Mençurisë, përshkruhej shpesh me një fletë të bimës së kanabisit mbi kokën e saj, tek pikturat që datojnë mijëra vjet më parë.
Basteti, Perëndesha e Luftës, ishte gjithashtu e lidhur me përdorimin e kanabisit në rajon, por kishte më shumë lidhje me praktikat e magjisë. Të dhënat sugjerojnë gjithashtu, se adhuruesit mund ta kenë konsumuar marijuanën në një formë ose tjetrën, gjatë festave dhe ritualeve të caktuara fetare.
Përdorimet praktike të kanabisit
Edhe pse mund të tingëllojë e çuditshme nëse nuk e keni dëgjuar më parë, kanabisi në fakt është përdorur në prodhimin e litarëve, lundrave dhe në veçanti pëlhurës. Kërkimet sugjerojnë se punëtorët e lashtë egjiptianë përdornin një teknikë të përpiktë me fibrën e kanabisit për të shkatërruar shkëmbinjtë e mëdhenj, përpara se t’i transportonin ata tek vendet ku do të kryheshin ndërtime të caktuara.
Teknika në përgjithësi përfshinte futjen e fletëve të thata të kanabisit në të çarat e shkëmbinjve më të mëdhenj, përpara se të zhyteshin plotësisht në ujë. Ndërsa fleta fillonte të zgjerohej, ajo ishte mjaftueshëm e fortë për të çarë shkëmbin gjigant.
Nyjet origjinale bashkohet me pjesët kryesore të Boat Khufu, ku trungjet e lakuara të anijes prej kedri, ishin të lidhura së bashku me litarin e kërpit nëpërmjet një teknike të përdorur deri në kohët e fundit nga ndërtuesit e anijeve tradicionale në brigjet e Detit të Kuq, Gjirit Persik dhe Oqeanit Indian. Kabanisi ishte aq popullor në kohët e vjetra të Egjiptit, saqë perandori i famshëm romak Mark Aureli vendosi një taksë mbi përdorimin e tij!
Përshtati për Tirana Today, Alket Goce
