Në emisionin “Të Paekspozuarit” në MCN Tv po diskutohet për vrasjen e 14-vjeçarit Martin Cani në afërsi të shkollës “Fan Noli” në Tiranë.
Moderatori Ylli Rakipi e pyeti ekspertin e krimit Idriz Daulle se si ka mundësi që fëmijët shkojnë me thikë në shkollë. Gazetari Sokol bregu u shpreh se janë 27 raste plagosjesh apo vrasjesh me thikë në ose afër shkollave dhe është një situatë lufte. Ndërsa Daulle u shpreh se prindërit dhe shoqëria civile janë kundër pranisë së policisë në shkolla se traumatizohen.
Pjesë nga biseda
Ylli Rakipi: Ne reflektojmë dhe ndërgjegjësohemi kur ndodh ngjarja. E gjitha shoqëria jonë është e zhytur në llum dhe agresivitet, por ju keni detyrën që të mos kenë thika në brez. Por ju keni detyrën e veçantë për t’i kontrolluar. Si mund të ketë thika 14-vjeçari?
Klodiana Lala: A mbani ju përgjegjësi si Polici Shteti me oficerët e sigurisë kontakte për rastet dhe për këtë konkretin?
Idriz Daulle: Oficerja e sigurisë ka raportuar dhe meqë dy fëmijët kanë patur sjellje të mirë dhe nxënës të mirë, ka trajtuar rastin aty dhe nuk e ka referuar në polici?
Klodiana Lala: A po e hetoni ju oficeren e sigurisë?
Idriz Daulle: Këto janë pjesë e hetimeve të prokurorisë.
Xhevahir Zhabina: A ka një raport për këtë rast, a është referuar?
Idriz Daulle: Nuk është referuar. Nuk mund të them me detaje se çfarë ka thënë oficerja e sigurisë.
Sokol Bregu: I ati tha se në çdo vend dikush do të mbante përgjegjësi. Tha se po të ndodhte në Greqi, dikush do të jepte dorëhqejen. Çfarë do të bëjë ministri në këtë rast? Në një takim me ministrin e arsimit, ministri i brendshëm thotë se hajt ta diskutojmë. Ky është rasti i 27-të me thikë rreth apo në shkolla. Jemi në luftë. Prej SPAK-ut ulëm numrin e krimeve të krimit të organizuar, po në shkolla 27, se të tjerat kanë qenë për fat të mirë. Për të mos e nisur nga viti 2021 kur ka qenë një batërdi. Çfarë do të ishte në një takim?. Aty janë ministrat.
Por të kishte një zhvillim politik do ta harronin si në Gramsh ku u vra 15-vjeçari që u harrua. Apo në Krujë para dy javësh.
Babai e çoi Martinin në sport për të patur një tjetër mundësi në jetë. Dhe çfarë ndodhi. Ta sjellin të vdekur në shtëpi.
Klodiana Lala: Çfarë bëhet me paketën e sigurisë në shkolla?
Idriz Daulle: Paketa e sigurisë në shkolla ka funksionuar sidomos për lëndët narkotike. Është propozuar një tryezë për ta përmirësuar. Kur afrohet një punonjë policie, prindërit apo përfaqësues të shoqërisë civile thonë të mos afrohet se traumatizohem fëmijët, jo më t’i kontrollojnë.
