Emanuel Heba, ish-deputeti i Partisë Demokratike, është ndarë nga jeta.
Ai ka qenë pjesë e Kuvendit të Shqipërisë në legjislaturën e parë të demokracisë 1991-1992, si dhe në legjislaturën pasardhëse 1992- 1996.
Lajmin për ndarjen nga jeta të Hebës e ka bërë me dije deputeti i Partisë së Lirisë, Petrit Vasili, përmes një postimi në rrjetet sociale. Vasili shkruan se Heba ishte një burrë fisnik, intelektual i vërtetë dhe lëvrues i thellë i shkencave veterinare.
