Kryeministri Edi Rama, gjatë fjalës së tij në fushatë në Kavajë, bëri thirrje që salla të mbajë një minutë heshtje në nder të kujtimit të Papa Franceskut.
Rama tha se Papa Francesku, kur vizitoi Shqipërinë, tha se në vendin tonë ka vëllazëri fetare. Më tej, kryeministri deklaroi se ka bërë një bisedë me Papën që i ka lënë mbresa. Ai i kishte thënë Papën se nuk ka frikë se ka bërë shumë armiq, pasi ka thënë tepër gjëra që janë të vërteta. Përgjigja e Papës ishte se në atë moment duhet të fliste, kur është në shërbim të njerëzve.
Edi Rama: Më vjen keq që ka ndërruar jetë Papa Francesku. Kam pasur raport personal me të. Më çonte sms vazhdimisht. Më vjen shumë keq. Ai zgjodhi të vizitojë Shqipërinë, të parin vend jashtë Vatikanit që vizitoi, pasi u zgjodh Papë. Në Shqipëri kaloi një ditë të paharrueshme. Ai u shpreh se Shqipëria ka vëllazëri fetare. Ishte Papë ndryshe nga tjerët. Kam mirëkuptimin tuaj ta nderojmë me një minutë heshtje. I thashë Papë i shenjtë se ke bërë shumë armiq, duke thënë gjëra që nuk ka thënë kurrë një Papë. Më tha, kryemijnistër, tha nëse nuk i them ato gjëra që kam për të thënë, tani që kam kohën me njerëzit, kujt do ua them, krimbave në varr?
