Shtyhet sërish vendimi i gjykatës në Francë ndaj kreut të AAK-së, Ramush Haradinaj.
Trupi gjykues në Colmar të Francës vendosi që të shtyjë vendimin lidhur me akuzat e bëra nga shteti serb ndaj Haradinajt.
Kështu, mësohet se seanca gjyqësore e radhës do të mbahet më 27 prill, ndërsa vetë Haradinaj ka hedhur akuza të rënda ndaj drejtësisë franceze, por u shpreh i bindur se e drejta do të fitojë.
“Kanë bërë krime në Kosovë dhe m’i kanë fabrikuar mua. Vetë ish-presidenti serb, Slobodan Millosheviç ka qenë kriminel. Ata kanë bërë vrasje, kanë kryer krime në Kosovë e po më akuzojnë mua. Është pritur që nuk do të merret vendimi sot, do të presim edhe tri javë tash deri më 27 prill”, tha Haradinaj.
