Shtyhet për në datë 5 Maj në orën 11:30 vendimi për dosjen Partizani ku mes të tjerëve akuzohet edhe Sali Berisha. Avokati Genci Gjokutaj tha se ka kërkuar përjashtimin nga trupa të gjyqtares Fjorela Davidhi. “Sot kërkuam përjashtimin e gjyqtares Fjorela Davidhi” tha ai.
Dosja “Partizani” lidhet me privatizimin e ish-kompleksit të klubit Partizani, një çështje që ka qenë në qendër të hetimeve për korrupsion dhe shkelje të ligjit. Ish-kryeministri Sali Berisha dhe dhëndri i tij, Jamarbër Malltezi janë nën akuzë në lidhje me privatizimin e ish-kompleksit sportiv
Berisha akuzohet për korrupsion në bashkëpunim me dhëndrin e tij Jamarbër Malltezi, sepse, sipas SPAK pretendohet se ka favorizuar këtë të fundit në privatizimin e ish-klubit sportiv Partizani. Hetimet për dosjen “Partizani” zgjatën 4 vite.
