Një shqiptar është gjetur në një makinë pa ndjenja dhe i mbuluar me një batanije e me plagë të shumta në trup.
Sipas mediave italiane, ai u pa nga një grua, e cila njoftoi policinë menjëherë. Shqiptari, identiteti i të cilit nuk dihet ende, u transportua në spital, ku iu nënshtrua një ndërhyrjeje mjekësore.
Sapo iu kthye vetëdija, ai është marrë në pyetje, por ka befasuar teksa tha se nuk i kujtohet asgjë cfarë kishte bërë dhe përse gjendej në atë automjet.
Sipas policisë, makina nuk është e shqiptarit, por as nuk rezulton të jetë e vjedhur. Vijojnë hetimet për zbardhjen e ngjarjes.
