Durimit të pritjes së shqiptarëve për integrimin në BE, duket si i ka ardhur fundit.
Pas deklaratës së bujshme të Edi Ramës dhe Hashim Thaçit, ndërkombëtarët janë alarmuar, duke reaguar se deklarata të tilla nuk janë në të mirë të rajonit.
Por, duket se një tjetër person ka dalë hapur pro bashkimit të Shqipërisë me Kosovën.
Kryetari i Këshillit Nacional për Luginën e Preshevës, Jonuz Musliu, i cili ka theksuar se nëse vazhdon kjo gjendje e shqiptarëve në rajon, atëherë duhet të mendohet për bashkimin e trojeve shqiptare.
“Nuk e sheh Kosovën në Evropë. Çka duhet të bëjë Kosova, qoftë edhe qeveria tjetër, që Evropa ta marrë nën sqetull. Kemi pritur pas Luftës së Dytë Botërore, kemi pritur vitin 1999, pastaj vitin 2001, ju kemi drejtuar disa herë që të ulemi të bisedojmë. Nuk është marrë parasysh asnjë kërkesë e shqiptarëve”, tha Musliu, në emisionin “Info Box”, të RTV Dukagjini.
