Kur na ndajnë dhe dy dit nga përballja e kuqezinjve me Izraelin në “Elbasan Arena”, një lajm aspak i mirë vjen nga biletaritë. Mësohet se interesi për të ndjekur këtë ndeshje ka qenë i9 vakët dhe stadiumi do të jetë pothuajse i boshatisur. Besohet se kjo “braktisje” masive ka ardhur si rezultat i masave të rrepta që janë marrë në takimin e luajtur dy vite më parë.
Çmimet e biletave për këtë ndeshje nuk kanë ndryshuar nga të parat, pasi çmimi i një bilete niste me 1 mijë lek të reja në tribunat pas porte deri në 18 mijë lekë të reja, në tribunën VIP. Në sektorë të tjerë të tribunave të stadiumit “Elbasan Arena”, çmimet variojnë nga 1500 lekë të reja, në 2 mijë, 3 mijë, 6 mijë, 8 mijë, 10 mijë dhe 16 mijë lekë të reja.
Me një kapacitet prej 12 mijë e 800 vendesh, stadiumi “Elbasan Arena” nesër do duket thuajse i boshatisur. Është lajmëruar se në ambientet e brendshme të stadiumit nuk do të ketë forca policie, por vetëm polici private. Ndërsa policia e shtetit do të qëndroj në ambientet e jashtme të stadiumit për të ndërhyrë në çdo rast.
Tifozët që do të futen për të ndjekur këtë takim do të kontrollohen imtësisht para se të futen në ambientet e brendshme, po ashtu blerja e biletave do të bëhet me kartë identiteti. Ndërkohë prej disa ditësh në qytetin e Elbasanit kanë zbarkuar disa agjentë izraelitë të cilët kanë mbikëqyrur situatën për ndonjë sulm terro0rist, si u paralajmërua në ndeshjen e parë.
Kujtojmë që në ndeshjen me Izraelin që u zhvillua dy vite më parë pati shumë pakënaqësi tek tifozët kuqezi, pasi u përballën me një sjellje “të egër” të policisë. Ndërsa tifogrupi më i madh i kombëtares shqiptare “Tifozat Kuq e Zi” braktisën stadiumet shqiptare për një periudhë mjaft të gjatë pasi nuk u respektuan dhe e quajtën barabare sjelljen e policisë së shtetit.
